2016 жылдың 27 қаңтар күні аудан орталығында орналасқан №46 А.С.Пушкин атындағы мектеп-лицейінде  діни экстремизмнің алдын алу, оқушылардың діни сауаттылықтарын арттыру мақсатында «Ибалы адам, иманды қоғам» тақырыбында кездесу болып өттін кездесу барысында «Оқшы ата» мешітінің ұстазы Ә. Мырзалиев, «Дін мәселелерін зерттеу орталығы» Шиелі аудандық бөлімінің бас маманы, теолог Қожахмет Кеңесбековтер мектеп оқушыларына жалған ағымдардан сақ болуы керектігі, діни білім алудың маңыздылығы, ата-ананың қадірі, бауырмалдық және де басқа да түрлі тақырыптарда сөз өрбітті. Оқушылар да өздерінің білгілері келіп жүрген сұрақтарын қойып, бүгінгі кездесуден алған әсерлерімен де бөлісті. Сонымен қатар, мамандар қатысушыларға қосымша ақпарат ретінде түрлі тақырыптарда бүктеме қағаздар таратты.